| "ballade van die beskawing" deur TOM GOUWS [boodskap #10365] |
Sat, 16 August 1997 00:00 |
G.B.
Boodskappe: 2173
Geregistreer: May 1997
Karma: 0
|
Senior Lid |
|
|
ballade van die beskawing
Tom Gouws
langs ou opstalle en waterlope
is turksvy, wegloopden en mak-sering
tekens van 'n ingedringde
makgemaakte aarde, die doringknope
van ondeurdringbare garingboomlanings
hou indringers veilig buite, maar binne
die vleie, in syerige turflaagtelinne,
groei soetdorings digter binne stanings
as buite. die langbaardpioniers en pagters
van hierdie gramadoelas veg steeds ononderbroke
teen die geil groei daarbuite. hul voorvaderspoke,
sê hulle, onbewaak, is immer wakende wagters
wat onsienlik soos die skurwe boom-aalwyntjies insmelt
met die rantjies van die ruwe vuursteenrotse
buite die toegeëinde bakens, hulle eer God se
kleim op beskawing hier met so 'n skoongekapte veld.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
